تكنولوجيا المولوخيه: Molokheiya now invigorates not only Egyptians

يسلام مين كان يخطر فى باله أن المولوخيه تسافر فى يوم من الأيام وتروح آلاف الأميال؟ نعم حدث والله ورأيت ذالك بعينى. إلى من لم يسمع أو يعرف كلمه ملوخيه يكفى أنى أقول بإيجاز أنها تحظى بمرتبه عاليه فى نفوس المصريين وهى بلامنازع الخضار رقم واحد سواء للأطفال أو الكبار. وهى محبوبه الجماهير المصريه وقره فؤادنا إينما كنا ومهما طالت بنا الأيام. وصدق الشاعر الجليل صاحبى لما قال: أنا نفسا لم تذق طعم المولوخيه هى نفس لاتعرف الفرق بين مسعد نور وعامود النور. أبشروا يارفاق فهى الأن عالميه ووضعها اليابانيون تحت قائمه الغذاء الصحى. ودلوقتى فيه حبوب ملوخيه لتقويه البنيه وسلطه المولوخيه ومكرونه بالمولوخيه وعصير المولوخيه المثلج. يسلام إيه النعيم ده، أنها تكنولوجيا العصر أيها الأحباب. أكيد فى كتير منكم فاكرنى بهزر، ولذالك أحضرت لكم مجموعه من الصور حتى أزهق حجه المشككون.

حتى اليابانيين بيحبوها خضراء

شفوتوا بقه اللى بياكل ملوخيه بيبيض إزاى، على فكره دى سيده الجيشا الحسناء لوشربت شاى أخضر معاها
تفلسك، بصراحه الحلاوه المصريه فى رأيى أحسن ولا أنتوا رأيكم أيه؟

يسلام ديه بقه سلطه مولوخيه بالتوفو اللى هوه بروتين فول الصويا

شعريه الهنا، تاكلها من هنا وتحس بسعاده الدنيا كلها

حبوب المولوخيه المقويه للذاكره

مولوخيه ناشفه لصنع الحساء اللى هو الشوربه

أوكيه كفايه حماس ودعونى أوضح كيف عرفها اليابانيون. حدثنا أبو شحبور الألمعى أن احد اليابانين المهتمين بزراعة وتطوير المحاصيل سافر مصر ليتنزه، وبعد ما أتفرج على الهرم وراح المتحف وركب حنطور حب يأكل أكله مصريه أصيله. المهم ساعتها قدمت له المولوخيه وأكلها وأنبسط قوى من طعمها. وبعض بحث ودراسه تحليليه قرر أن يستورد حبوبها رسميا و يعرضها على الشركات اليابانيه التى بدورها رحبت بالفكره وقامت بزراعتها بكميات هائله. وبعد أعلانات فى التلفزيون اليابانى الشهير أن أتش كيه عرفها جمهور اليابان وقرروا أكلها بالطريقه التى يرونها مناسبه. كان لديهم الطريقه المصريه ولكن أرادوا أن يطورها لتناسب مذاقهم. ولذالك قاموا بعده محاولات ، فقد صنعوا من ملوخيتنا الحبيبه كل ما يمكن أن يتخيله العقل. شوفتوا بقه الجمال والهنا اللى أنا فيه. بصراحه ناس بتحب الأبداع حتى لو كان مجرد طعام هم فى غنى عنه، كل ده مش مهم، المهم أنهم عرفوا أن هذا غذاء صحى فقرروا أن يستفيدو منه حتى وإن كان طعام غريب جداً عليهم. شكراً للباحث اليابانى، الله يعمر بيتك ياكابوكى يابن تافيده، فلولاه لما أكلت المولوخيه طيله وجودى باليابان السنه الماضيه.

أخيراً أتركم مع خمسه فرفشه