كل عام وانتم بخير أيام معدوده ويأتى الربيع..أنه رمضان ربيع النفس بما فيه من خيرات كثيره .أيام رمضان لها طعم ومزاق خاص في نفسى فأحس فيها بطفولتى وأيام صباى المملوءه بالحكايات الشبه مرئيه والقصص الجميله اللى كنت أسمعها من الكبار‘ أتذكر أيضا قرائتى فى مكتيه قصر الثقافه وكيف كنت شغوف بحبها. أتذكر الافطار والسحور وسط الاهل والأحبه. أتذكر طيبه الناس الحلوه وعطفهم على بعض. أتذكر المساجد القديمه بساحتها الواسعه. أتذكر مدفع الأفطار وتأخيره...كل ده كان زمان ودلوقتى راحت الايام , ليتها تعود ولو للحظات... خارج مصر الحبيبه رمضان مختلف حتى ولو كان الأهل والأصدقاء حواليه.. دائما أحس أن فيه حاجه ناقصه ..بالظبط زى ما بيقولوا الحلو مابيكملش .. والحاجه ديه تبقى المكان مصر ... ياله أقول أيه :عجيب والله الانسان ..أدعو الله أن أقضى رمضان السنه الجايه فى مصر الحبيبه .
كل عام وأنتم بخير ومصر وكل ناسها الطيبين فى أحسن حال
32 comments:
كل سنة وانت طيب ورمضان كريم عليكم يا رب
وتقضى رمضان هنا السنة اللى جاية وسط اهلك
قول امين يلاااا سمعنى
تعرف؟؟
رمضان فى مصر غير اى بلد تانية
انا باعشقه هنا
مش باحس بيه الا نا
روحه هنا
ربنا يديمها علينا نعمة ومش تهرب مننا هى كمان زى كل حاجة ما هربت
----
بيلااا اخبارها اية؟
اتجوزت ولا لسة انسة؟؟
وأنتى طيبه ياشهروذه وأسرتك بخير وبصحه وفى أحسن حال.. أنا والله عارف الفرق كويس بين رمضان هنا ورمضان اللى فى مصر.. من ضمن الحاجات اللى حصلت معايا أن واحد صاحبى شبه بوذى أو بالأحرى لايعترف بالأديان رأنى أصوم فصام معى اليوم كله وبعدها قرر أن يبر نفسه فى محل بتاع كابوريا وأكل كتير قوى لدرجه أن صاحب المحل أستغرب من كميه الأكل اللى كلها, المهم كانت حكايه وحلف برقبه عمه أن المسلمين دول عندهم صبر كبير وصفات لتهذيب النفس لم يرها فى حياته.
أما عن بيلا فهى لاتصوم على الرغم ان معندهاش عزر لكن تقولى أيه قطط بقه ومحدش يقدر عليهم
بيلا له أنسه بس بالحلاوه ديه معتقدش أنها ح تغلب تلاقى أبو القطائيط أفندى فى أسرع وقت. فيه لسه قط عمال يحوم حوالين البيت بس هيه مش عاجبها مع أنه شكله طيب والله.
واحد صاحبى وعدنى أنه ممكن يأخذها بعد أن أعود إلى هولندا
تحياتي ولحد عندكم جي اقول
بمناسبة الشهر الكريم كل عام وانتم والأسرة الكريمة وكل الأصدقاء والأحباب بالخير ومصرنا الحبيبة كلها بالخير واليمن والبركات
ايام
اينما كنت كل سنة وانت طيب احلى حاجة فى رمضان انه جوانا اينما كنا
انشاء الله رمضان الجاى تكون فى مصر ويمكن يريد المولى عز وجل اننا نتقابل هناك
كل سنة وانت طيب
والسنة الجاية تكون هنا
يا مصر اكتب إليكي رسائلي
شكراُ لكلماتك الطيبه وأهلاً بك فى زيارتك الاولى لك خالص تقديرى لأراءك المتزنه وأسف أنى لم أزور مدونتك قبل ذالك.
كل سنه وأنت طيب
Epitaph
أهلاً يا إيبى..أيوه نوران سريعه ومحدش يقدر يسبقها طالما فى جوائز قيمه
ربنا يسمع منك ونتجمع سوا فى مكه السنه الجايه بس أنوى أنتى وإن شاء الله ح يحصل
كل سنه وأنت طيبه
ح تصومى المره ديه ولا زى كل سنه؟
Gid-Do - جدو
كل سنه وأنت طيب ياحبيب الكل وان شاء الله نتقابل فى أطهر مكان زى ما إيبى قالت. القاهره أو مكه كلها بلاد الله المهم نتقابل على خير
أطيب التحيات ورمضان كريم
LAMIA MAHMOUD
شكراً يا لمياء على الزياره وكلماتك الرقيقه
كل سنه وأنتى طيبه
كل سنه و انت كيب و رمضان كريم
انتوك :)
إنتوك شكراً وألف تحيه وسلام ليك ياراجل يا طيب السنه الجايه بإذن الله نتقابل فى مصر على خير وناكل قطايف وكنافه
سلام ياصاحبى
كل سنه وانت طيب وسورى للتاخير مابدخلش كتير فى رمضان
مفلس افندى الرايق
وأنت طيب وبالصحه والسلامه ياشاعرنا القدير
كل سنة و انت طيب والسنة الجاية ترمضن معانا باذن الله
بس احنا حاسين برضة نفس الاحساس دة
يمكن علشان كل سنة بنكبر مش عارفة صراحة بس لما كنا أطفال كان فعلأ أحلي
كل سنة وانت طيب ورمضان كريم
وان شاء الله تيجى مصر السنة الجاية
وتقضيه هنا وسط الاهل والاصدقاء والشوارع الدافية
والمشاركات الحميمة بجد
تحياتى لك وكل سنة وانت طيب
كنت عايزة ابعتلك كنافة بس ياللا خيرها فى غيرها
:)
سابرينا : كل سنه وأنت طيبه وبصحه جيده. فعلاً رمضان وإحنا صغيرين كان مختلف ..أى حاجه كانت تفرحنا والدنيا كلها مكانتش تسعنا. بس والله لسه عندى هذا الاحساس مهما مرت الأيام جايز علشان صوره فى بالى لازالت كما هى منذ ان خرجت بعيدا عنها.
أحلى سلام وشكراً على الزياره
bosbos;
وأنت بالصحه والسلامه. أهلاً بيكى يامزيعتا القديره, على فكره كل الاغانى اللى بتحطيها على مدونتك لها فى نفسى ذكرى جميله
ألى الامام وألف شكر على الزياره
أهلاً ياحلم:
يسلام ربنا يسمع منك ونتجمع فى مصر الحبيبه وأن شاء الله تكون الايام أحلى
كنافه آه يسلام والله هى دى بقه اللى صعبه هنا , محدش بيعملها فى أوربا , فيه بقلاوه حلوه زى بتاعه مصر خصوصاً الجماعه الاتراك هنا ممتازين فى عمايلها.
أوكيه ممكن أبعتلك كيلو بقلاوه وفى المقابل تبعتى حته كنافه بس بالمكسرات والنبى ربنا يخليك ياحلم
هههه
طيب اوك ابقا اعزمنى على فرح بيلا
وانا ابعت لها بوكية سمك انماا اية؟؟
ولو بتحب الفيران مش مشكلة ادور لها على سلطة فيران
-------
كل سنة وانت بالف خير
رمضان كريم على الكل يا رب
كل سنة وانت طيب وبألف خير
ورمضان كريم
ويارب كل سنة فى سعادة وهنا
كل سنة و انت طيب و كل رمضان وانت بخير
صحيح ان رمضان في قلوبنا بس الجو اللي بنعيش فيه بيزود احساسنا بيه و بحلاوته
خصوصا زحمة الناس في الشوارع و رنة بياع العرقسوس و الزينة في الشوارع و المحلات و هجوم الناس علي شراء الحاجات زي مايكونوا ما شافوش اكل قبل كده :)
ولا القعدة في الحسين علي قهوة الفيشاوي لحد السحور
ما احلاكي يا مصر
كل سنة وانت طيب و السنة الجايية تقضي رمضان في مصر وسط اهلك
شهروزة
بيلا عرسانها كترو ودلوقتى محتاره تختار بينهم..أول ما ده يحصل ح أعزمك على الفرح ضرورى...أما الهديه فياريب خليها سمك متبل بالرروز ميرى وزيت الزتون مع سنه ملح ويكون نصف سوى لو سمحتى
أحلى الاوقات مع شهر رمضان..الايام بتجرى بسرعه ياريتها تطول شويه
voice of love
شكرأ لعودتك وشرفتينى بالزياره ..ربنا يوفقك فى كل أمورك أنتى تستاهلى كل خير
مع خالص تحياتى
soha
أهلاً بيكى ..شكراً لكلماتك الرقيقه..آه فكرتينى بقهوه الفيشاوى والله دى كانت أيام حلوه
أما عن الناس والأكل فدى حاجه فينا كمصريين..بنحب نفرح ونحيى لياليه بالطريقه بتاعتنا..أنا معاكى ده مش صحيح والمفروض الواحد يركز على الحكمه من شهر رمضان زى أطعام المساكين والبر بالفقراء وزياده صله الرحم والدعاء إلى الله ..الخ .. الغريب أن معظم الناس ينفقون على الأكل فى شهر رمضان على الاقل ضعف ما ينفقون فى الاشهر العاديه..أيضا يزيد وزنهم بسبب الافراط فى الاكل وده غلط
تمنياتى لكى بقضاء أحلى الاوقات فى هذا الشهر المبارك
كل عام وانت بخير ومنورانا ديما
كل سنة و انت طيب يا أيام ,
معلش أعذرنى فى التأخير السخيف ده :)
مفلس أفندى وأنت طيب وأن شاء الله ربنا ينعم عليك بقصيده كده كل يوم علشان تفرحنا كمان
Seneferu
أهلاُ بيك شرفتنا بزيارتك كل سنه وأنت بخير وفى أحسن حال وأن شاء الله تتحقق أحلامك وأحلامنا وتبقى مصر وناسها أحلى بكتير من النهارده
أهلاً إيبى...الحمد الله مبسوط وهوه فيه أحلى من رمضان ربنا يدمها علينا نعمه...وأنتى أخبارك أيه؟ والله أنا بس كنت عايز أسئلك سؤال وحقيقى محرج: دوقتى النهادرده بقه كام محشييايه قبل أذان المغرب؟
إيبى وأنا بكتب التعليق مش عارف ليه كنت حاسس بالموضوع ده لدرجه أنى كتبته عندى وعندك...يسلام والله الصيام شغل عندى الحاسه السادسه
هو يعني
برضه مصر اتغيرت عن زمان
بس لسه الروح موجودة
او على الاقل بتحاول تكون موجودة
تحياتي
بنت سعد: أهلاً بيكى, هى دى المشكله مصر أتغيرت عن الصوره اللى أنا عرفتها..أصبحت أنا حبيس لهذه الصوره ..ربما ما يلزمنى الأن هو زياره لمده شهر على الأقل حتى أعيش من تانى فى أرض الواقع. اطيب سلامات
Post a Comment