على الرغم أنى لاأحب الحلويات كثيراً لكنى أشتقت لها هذه الأيام, ده طبعاً أكيد بسبب الصيام. لحسن الحظ وجدت محل مصرى فتح جديد وبيبيع كل الحاجات اللى نفسى فيها وبالاضافه كمان دقيق البسبوسه وليمون معصفر وفول مدمس وحتى عسل أسود وطحينه ورقاق وترمس..الخ. أشتريت ما لذ وطاب وطلعت فى دماغى أجرب عمل البسبوسه بالمكسرات...بصراحه كانت أكثر من رائعه وخصوصاً ديه أول مره أعملها ..أوكيه كل البلوجريه الجدعان معزومين عندى بكره, ماتتأخروش بقه لحسن قربت تخلص
21 comments:
It's great you found an Egyptian shop near by. I would love that here. As for the Basbousa, it looks very delicions ... can't you send me a piece?
معوزمين على بسبوسة بس ؟؟
لأ مينفعش .. عاوزين نشوف كرم المصريين
تحياتى
في لحمه ؟؟ بسبوسه ماشي بس بعد اللحمه لو سمحت
شكلها حلو فعلا
بالهنا والشفا
بس جبت الطريقة منين؟؟
انا بصراحة بالاقى الطريقة على العلبة
تقليبتين وتكون خلصت
بس انا باهنئك انك لقيت المحل دة
لو عايز طريقة عمل الترمس انا تحت امرك
بس كله بحسابه
:)
ايام
ياة ريحة البسوبسة مفحفحة وكمنا اية شكلك مسويها على فحم هادى وياعينى على طرشى بلدى جنب البسبوسة ـ وعلشان انتوك يفهم فى بلاد الواق الواق التى تقع جنوب الوراق اللى فيها ايام دلوقت بيقولوا على اللحمة بسبوسة وعلى البسبوسة كرنب واللى يعيش ياما يشوف واللى يقرا كلامى يقول يابخت اللى ميعرفش يقرا ـ تحياتى
واضح ان الصيام بيعمل كتييير
انت جد في حكاية العزومة دي
ولا دا تاثير الصيام
noblese;
Thanks for your comment, Well yeah it is fantastic to try again same food of my childhood, especially it is really egyptian 100%. I have got also molokhya here..So I am in heaven. Ok then, I will send some cyber deserts to you soon.
voice of love;
يسلام يادكتوره داليا والله كرم ربنا كتير جداً وأحمده وأشكر فضله
أيه رأيك فى عزومة سمك مشوى وكمان فواكه البحر اللذيذه ..بكره أن شاء الله على الأفطار بس والنبى هاتى معاكى كونافه بلدى مش من بتاعه الأفران الأليه التعبانه..
أحلى سلام
Karakib;
أنتوك صاحبى ده كلام..والله لو بتحب السمك يبقى حظك حلو , وعلشان متقولش عليا بخيل
بكره أنا ناوى أعمل صنيه سمك كبيره وشربه فواكه البحر التايلانديه ورز بالجنبرى وعيش الغراب وكمان سلطه أن شالله محد حوش....طبعاً يسرنى أنى أوجه الدعوه برضه لكل صحابك الطيبين اللى بيحبوا الأكلات البحريه
حلم
فعلاً وطعمها كان أحلى. أما بالنسبه لطريقتها فربنا يخليى لينا الأنترنت , تقدرى تقولى كده نصها شامى على مصرى: المكونات كالآتى ,بسبوسه وجوز هند مبشور ولوز مبشور ولبن جوز هند وقشطه وزبادى وفستق وكاشيو وزبده وطبعاً فى الآخر الشربات.
بنت حلال قوى والله ,ياريت والنبى تقوليى على عمل الترمس ده أشتريته علشان العيد ومش عارف أعمل فيه أيه..أنا فاكر أنه لازم يتنقع يومين بس ناسى التفاصيل..
أما الحساب يبقى ليكى سمكايه مشويه عندى أوكيه
Gid-Do - جدو
ده كلام فكرتنى ليه بالطريشى ياجدو كده أنا ح أكل وبكره أعطش كتير, فيه عندى ليمون معصفر, على فكره أنا أشتريته علشان الأسم بس لانى ماكنتش أعرف يعنى أيه معصفر بس ده طلع حكايه..
البسبوسه أحلى من اللحمه وبعدين أنا مباكلش لحمه ألا مره كل شهرين مع الأسف الشديد أنا عايش على السمك والأكلات البحريه بما فيها الجمبرى والسبيا والقواقع والأخطبوط والأستاكوزه والكابوريا وبطارخ السمك المملحه
أوكيه أنا مستنيك على الفطار مع باقى البلوجريه .
ادم المصري
هههههه
أزيك ياأدم باشا نورت القعده, طبعاً بتكلم بجد وهو الأكل يبقى له طعم
من غير الصحبه الحلوه
أطيب التحيات
الله يخليهملك
قولي بتتعمل إزاي
احسن اخوك مزنوق فيها
ونفس اكلها من عمايل البيت
امممممممممم
شكلها يفتح النفس
شكلك طباخ بريموو
هات حتة
انا باموت فى البسبوسة بالمكسرات
اولا طبعا بالهنا و الشفا
كان نفسي فيها
بس للاسف مبحبش المكسرات
:)
تحياتي
أُكتب بالرصاص
البسبوسه سهله قوى كل اللى عليك تعمل الأتى
كوبايه بسبوسه و كوبايه زبادى وجوز هند مبشور ولوز مبشور وربع كوبايه لبن جوز هند معلقتين قشطه وفستق وكاشيو و معلقتين زبده سايحه
قلب كل المقادير السابقه مع بعض كويس وبعدين أمسح الصنيه بالزبده وضيف الخلطه السابقه. سخن الفرن ل 200 درجه مئويه وبعدين حط الصنيه..حتاخد حوالى 40 دقيقه لفايه ماتستوى. فى خلال الوقت ده أعمل الشربات وهو عباره عن كوبايه سكر وكوبايه ماء خليهم يفلو على نار هاديه وبعدين ضيف ملعقه ليمون وماء ورد وأستمر فى الفليان لمده 3 دقائق..لما تستوى البسبوسه قطعها حتت صغيره وبعدين رش الشربات عليها وسيبها تبرد
كل بقه بالهنا والشفاء..المهم متاكولهاش لوحدك لحسن تتخن
شهروزة
يسلام علشان خاطرك أنا ح أعمل واحده تانيه ليكى بس..إيه رأيك فى الكونافه..بكره بإذن الله ح أعمل حاجه حلوه
Epitaph
أهلاً ياأيبى..ماشى أنا فعلاً قررت أعمل بسبوسه تانيه وكمان كونافه بالمكسرات وحيكون فيه لحوم ومحشى..السبب أنى عزمت واحد من تركيا ومش عاوز ياكل سمك لأنه بيخسس ..
بنـت ســعد
أوكيه علشان خاطرك ممكن أشيل المكسرات المره الجايه واحط بدالها كيريز وكاكيى متهايألى تنفع وح تبقى جنان قوى
انا جيت متأخرة
أكيد خلصت
sabrina
ولا متأخره ولا حاجه..الايام جايه وسوف أعود إلى عمل الاكلات البحريه بعد العيد بس دايما فى عطله الاسبوع..
أحلى سلام وكل سنه وانتى طيبه
Post a Comment