بناء على رغبة نوبليس و داليا وأنتوك وأيبى وجدو وشهروذه وحلم وبنت سعد وآدم المصرى وأكتب بالرصاص وباقى البلوجريه الجدعان قررت أعمل حاجه حلوه تانيه ومتزعلوش فيه برضه لحوم بس بشرط حزر فزر إيه اللى فى الصنيه ده وياترى محشى أيه جواه
ملحوظه: الأكل معمول على الطريقه المصريه مائه فى المائه
33 comments:
والله يا بنتي ما انا عارف
تكونشي شاكليته
ع العموم
ياعني هي لو خروف .. محشي فراخ .. والفراخ اصلا
محشية فريك علي اساس اني باموت فيه
فدا معناه اني احتمال كدا
اقولكم بالف هنا والشفا
اشوفكم في الانعاش
الاكلة دي تهد جبااااااااال يا بوي
بيتهاء لى كدة واللة اعلم ان دى بطة محشية فراخ
والفراخ محشية حمام
والحمام محشى عصافير
والعصافير محشية كبد و أوانص
يا اياااام
حرااام عليك
اللى حيشوف بوستاتك اللى طعمها يجنن دى حيعمل ثورة للجياع
ما صدقنا الناس نسيت شكل الحاجات دى وربنا هداهم
يا لهووى يااانى
بس لو مكنتش تحلف بس؟؟
طيب يا سيدى
ناولنى حتة من الورك اليمين لو سمحت
وابقا احبس بحتة كنافة بالمكسرات والقشطة
طفاسة بقا
:)
يعني اول مرة اجي القاني معزومة علي اكل
طيب هاجي بكرة علي الفطار بقي
ده تقيل علي السحور
ايام
شكل المدبوح اكلة فلبينى شهيرة ـ اعترف
وكل سنة وانت طيب بمناسبة العيد وانا نازل مصر زورنى وانت تعرف ـ تحياتى
آدم المصرى..ياراجل بقه يعنى حته بطايه تهدك..ده أنا أكلت نصها وجعت بعد ساعتين..صحيح البط سمين لكن لما تسلقه وبعدين تشويه يبقى فى السليم المتين واللى ياكله يبقى زى الحديد
وفعلا كان جواه فريك معتبر كده ومتبل ميه ميه. ربنا يخلى ليه المحل المصرى اللى فتح جديد ده فعلا نعمه من السما.. يسلام والله آخر مره أكلت زى الأكله ديه كان من حوالى 12 سنه..
epitaph;
أيبى البط مش بيعيى بالساهل لأنه متزعط كويس..أما بقه أنتى زعلتينى فيه حد ما بيحبش الفريك ...مش عارف زمان كانوا بيقوله فى الأمثال الراجل ده زى الفريك ما بحبش شريك ...ما عالينه جايز يكون كلام سجع وخلاص ..المهم ياأيبى كان فيه محشى وحياتك وكنافه بالمكسرات والقشطه وصورتهم ضيفتها إلى نفس البوست
شهروذه الفاضله..ده كلام ياقمر والله البط كان محشى بس فريك علشان صغير ما قدرش أحط جواه فراخ ..لكن فكره حلوه..ممكن أجيب ديك رومى وبعدين أحط البط جواه..
أنا فعلا بحب الطبخ قوى لكن معنديش وقت للأسف إلا فى عطله الأسبوع..فى المره الجايه نواى أعمل بقه الاكلات البحريه وكفايه بقه من الاكلات البريه..
بدل ما الناس تعمل ثوره على الجوع خلى الحكومه المصريه
تستورد كام بطايه وبعدين يربوهم والناس تنبسط قوى
أنا ح أحجز لك الورك اليمين وكمان حته كنافه ومحشى ورق عنب طازه
Saso;
شكراً على الزياره
السحور أوكيه بس أنا بتسحر الساعه تسعه مساء وبعدين أنام عند منتصف الليل..متهيألى كده ح يبقى الصوم صعب معاكى..أحسن حاجه تاجى على الفطار وتأخدى ما لذ وطاب للسحور فيما بعد
أطيب تحياتى
...
Gid-Do - جدو
أهلاً بيكى عزيزى جدو..والله نعمل فليبينى المره الجايه..بس ديه فعلاً أكله مصريه مائه فى المائه. البط المحشى بالفريك أتسلق وبعدين مسحته بالطماطم وعصير الليمون وحمرته.وبعدين فولاه همممم..الطبخ ده هوايه عظيمه عندى خصوصاً فى عطله الأسبوع أنت بس قولى عاوز تاكل أيه وكام كالورى وأنا تحت أمرك..
أنا سامع أنك ناوى تنزل مصر تشم هواء على العيد ..عموماً زياره سعيده يادكتور جدو ..بقولك أيه أبقه والنبى لو سمحت هات شويه ترمس معاك على كام كحكايه وأنت راجع على تكساس...
بألف الهنا والشفا
بس اية اللي في أول طبق
ولما تيجي مصر باذن الله هنبقي نعزمك علي اللي انت عايزة
علشان نرد لك عزومة البسبوسة
بس ابقي قول علي الmenue
happy eid
اعاااااااااااا
حرام عليكي جوعتيني
كويس انى شوفت موضوعك بعد الفطار.
هههههههه
كل سنة وانت طيب
تحياتى
وبعدين معاك أنا كده جوعت خالص
ايه الأكل الجميل ده
انا جاية اهوه
اولا كل سنه وانت طيب
ثانيا التعليقات بس هي اللي بالعرب
والبوستات
طالعه عندي بالماليزي
ما تقوليش روحي عند انكودينك
واعملي اربيك وندوز
علشان جربت كل الوسايل
اتصرف بقي علشان اكيد دي مشكله بتقابل ناس كتير
بتحاول تقرا مدونتك
والأهم
انا مررت عليك
اسئله وقفه
مع النفس
خدت لي بالك
والا لأ؟
Sabrina;
شكراً للدعوه..أما اللى فى الطبق ده كان البط بعد ما قطعته والفريك والبصل..همممم أكله حلوه مش كده
كل سنه وأنت والاسره بخير ...عيد سعيد
ماشى ياآدم باشا العيد بكره وإبسط يا عم مش ح تجوع تانى إلا بعد سنه
كل سنه وأنت طيب..عيد سعيد
tamer;
أهلاً بيك..كويس أنك رجعت تانى والف مبروك على مدوناتك الجديده بس ما تخوفناش والنبى بحكياتك المرعبه
كل سنه وأنت طيب
voice of love;
خلاص العيد بكره بقه ومحدش ح يجوع تانى والله أنا أمبارح عملت رقاق بالحمه المفرومه كان فى منتهى الروعه..أوكيه رمضان اللى جاى يوعدها علينا بخير ونعمل حجات حلوه كتير
كل سنه وانتى بخير
MAKSOFA
أهلاً بيكى..أولأ بالنسيه للفونت ده فعلاً بسبب الكودنج..أسهل حاجه أستخدمى فاير فوكس..لو أصريتى على أكسبلورر يبقى لازم تغير الكودنج ل
first click view menu then click encoding then choose
unicode (utf-8)
sometimes you can just refresh the web page and will also work fine with internet explorer.
كل ح يبقى تمام بعد كده
كل سنه وأنتى طيبه وسوف أحاول أن أجاوب على الأسئله فى أقرب وقت
Epitaph
أهلاً ياإيبى.. والله المره ديه كنت محظوظ لان واحد صاحبى من تركيا أدانى هديه عباره عن ورق عنب مخلل كتير قوى ..يعنى ح يكفى أعمل 3 مرات تانى..
كل سنه وانت طيبه وبخير
عيد سعيد لكل أفراد الأسره
كده تعملها من غيرى طيب فين منابى بقى ولا الغايب مالوش نايب
انا عاوز محشى وفراخ ممكن ولا اروح اشحت من وزارة التموين فراخ مجمده
كل سنه وانت طيب يا غالى
مفلس افندى الرايق
سورى ياصاحبى أنت اللى أختفيت..لكن عموما فيه لسه مواد خام كتير..بقولك إيه أنا عملت ترمس مصرى ممتاز لازم أبعت لك شويه فى أقرب وقت
كل سنه وأنت طيب وفى أحسن حال
أطيب التحيات
كل سنة وانت طيب وبالف خير يا اياام يخويا
وعيد سعيد عليك يا رب
وسط الوصفات دى كلها
فيييين الكحك والبتيفور؟؟
بيلا اتجوزت ولا لسة؟؟
سلملى عليها
الحمد لله
عرفت اغير اللغه الماليزي ده
شكرا
نورت المحكمه
أيام
معلش ما شفتش طلبك غير بعد عودتى
عملت ايه فى الترمس
اوعى تكون اكلته نى
كل سنة وانت طيب
شهروزة
وأنتى بخير وبكل سعاده..هممممممممم الكحك ده صعب شويه..المره الجايه ويعودها الأيام علينا بالخير إن شاء الله
بيلا فعلا شكلها كده منمره على قط الجيران ربنا يستر وتنظم أسرتها بدل مايجى 5 بيللات تانيه
Maksofa;
كده أحسن من الأول بدل الفونت الماليزى
Epitaph;
الكحك والحلويات تقيله ياأيبى أنا بقى أكلت ترمس ..يسلام كان لذيذ
حلم
كده برضه..تمشى وتقولى عدولى ده أنا كنت محتاجلك والله..الحمد لله الفكره كانت صح وطلع لذيذ جداً...شكراً ياحلم العيد الجاى إن شاء الله.
حاجة تفتح النفس بصحيح! تصور "الطبيخ" دا متعة يا ايام! مش عارف بنات اليومين دول عندهم "قصور" ومش قادرين يفهموا النقطة دي!
استني ما تاكلش انا جاي لك
لو سمحت استني
استني بقي !!
Aladdin;
عندك حق فعلا الطبخ ده متعه بالذات لما تجرب تعمل أكلات غير مألوفه من بلاد تانيه...بالنسبه لى الاول كنت مكره أخاك لا بطل وبعدين عجبتنى اللعبه وبدأت أعمل أكل أيطالي وفرنس وأسبانى وتايلاندى وصينى وهندى ويابانى...الخ ودلوقتى أخوك حريف جداً
أما بالنسبه للبنات جايز ياسيدى خايفن يطبخوا لحسن يأكلو كتير ويفقدوا رشاقتهم والعياز بالله
karakib
أنتوك جيت متأخر ياحلو المره ديه لكن ولايهمك المره الجايه تبقى ألذ وأطعم إن شاء الله
واضح كدة ان محطة الاكل دى عجبتك
ومش عايز تقوم من على السفرة
خليك خليك
والله ما انت قايم
:)
انت ما بتكتبش جديد ليه
مسافر لا سمح الله وللا حاجة؟
حلم وأيبى
أوكيه أنا قمت خلاص من على السفره..كفايه أكل بقه ده الواحد يعنى تخن شويه..
Post a Comment